Ab an Zürisee, Oberrieden

Mir würed es Waldhuus/ Stöckli sehr gern gege üsi 3.5-Zi. Gartewohnig mit 87m2 im wunderschöne Oberrieden am Zürisee itüschle. De Mietzins liegt bi CHF 1634 inkl. allne NK. Eusi Wohnig verfügt über en sunnige Gartesitzplatz mit Gartebeet und diverse Blueme. Direkt agrenzend isch dWiese, wo sie ganzjährig verschiedensti Wildchrüüter ernte chönd. De Tannenbach, wo mir oft eusi Füess drin bädelet, isch vo Bärlauch, über Kirschbäum bis Brennessel ä wahrs Eldorado. De Wald, die Frohi Ussicht, wie au de See und vieli Grill-Stellene sind in unmittelbarer Nöchi. Es isch zwar keis Huus, aber mir dörfed säge, dass mir imene sehr, sehr ruhige Quartier Diheime sind. Fernab vo Strasselärm und dennoch isch dÖV praktisch "direkt vor em Huus", wo Sie i 13 Min. bspw. nach Züri Enge bringt.